ერთხელ და სამუდამოდ სწორი პასუხები - ეს ლიდერული ილუზია თანდათან ქრება. თანამედროვე რეალობაში ლიდერი აღარ ცხოვრობს „ან–ან“ გადაწყვეტილებებში. ის ყოველდღიურად ხვდება წინააღმდეგობებს, რომლებსაც ერთდროულად მართვა სჭირდება: სტაბილურობა და ცვლილება, გადაწყვეტილების სისწრაფე და გააზრებულობა, კონტროლი და ნდობა.

თანამედროვე ლიდერების დიდი ნაწილი მოქმედებს ,,მაღალი სიჩქარით“ გადატვირთული გრაფიკის პირობებში გადაწყვეტილებების მიღებითა და მუდმივი პრობლემების მოგვარებით. თუმცა, სწორედ ამ სწრაფ ტემპში იმალება ერთ-ერთი ყველაზე უხილავი საფრთხე - ავტოპილოტზე გადასვლა.

ნამდვილი ლიდერობა იწყება მაშინ, როდესაც ფიქრზე ფიქრს იწყებ. თანამედროვე მენეჯერული რეალობა სავსეა არასტაბილურობით, პარადოქსებითა და სწრაფად ცვალებადი კონტექსტით.